Dalla Divina Commedia in vernacolo calabrese di Don Giuseppe Blasi
Parte finale del III Canto del Purgatorio, Dante incontra Manfredi di Svevia ..
....
Unu d’iji ‘ncignau: - votati ccàni,
zzoccu sì, ma camina: vi’
si mmai
m’avissi vistu a cchju
mundu jàni-
Girai lu visu pe jà, lu
guardai:
era brundu, era beju ed
aggraziatu,
ma na ferita a lu gigghju
notai.
Quandu cu suggizzioni
addichjaratu
Eu nc’eppi ca nghiernò,
mi dissi: Vidi
( e mm’ammustrau nu
sbusciu mpettu atu)
eu su Manfredi ( e si
misi m’arridi),
niputi di Costanza
Mperatrici;
quandu torni ti pregu mu
ti fidi
a la figghja me’ beja
genetrici
di li gran rre di Sigilia
e d’Aragona,
comu vidisti a mmia mu
nci lu dici..
Dinci ca quandu vitti ca
mi strona
la spata, a la ddu’ voti,
mi votai
cu la Pietà di Deu, ch’è
tantu bona
e cciangivi di cori, ca
peccai
troppu.. troppu…Ma Ija
apriu li vrazza
(grandi pe tutti l’avi..)e
mmi jettai
Si lu vidia a Cu stava mu
m’abbrazza
chiju chi avenu vispicu a
Cusenza
e lu mandau Crimenti mu
mi sghiazza
Cu ll’ossa mei l’usava la
crimenza
mu su a lu ponti ancora,
a Beneventu
petri supa nd’avia pe
penitenza
Mo’ no ca stannu all’acqua
ed a lu ventu
e ppe lu Virdi abbasciu,
staregnati
cu nnuja torcia e nnuju
ncenzamentu..
Ma, ca d’iji su, ja,
scumunicati
no ssi ndi perdi quantu
ndi moriru
cu la speranza mu su pperdunati.
Veru è ca quandu no ssi
ricogghjru
mbita a la Chjesia, fora
di stu muru
(santu c’a mmorti poi si
ripentiru)
pe trenta voti lu tempu
chi ffuru
ostinati, ànnu a stari;
si nno scunta
corchi ssuffraggiu stu
castiju duru.
Mo’ vidi tu mu la pigghji
di punta
mu mi solleva Costanzeja
mia
di chista pena:
cuntancillu, cunta..
ca cù è di jà quantu nd’ajutarìa
(Don Blasi)
Nessun commento:
Posta un commento